Xulka Soomaaliya ee uu hogaaminayo macalin Salaad Faarax
xasan ayaa u dabaal degay goolka guusha daqiiqadii 15-aad ee cayaarta, waxaana
Soomaaliya goolka guusha u saxiixay Farxaan Maxamed Axmed oo numberka 11-aad u
xirta qaranka Soomaaliya.
Natiijada maanta ayaa aad u farxad gelisay Guddoomiyaha
xiriirka Soomaaliyeed ee kubada Cagta Cabdiqani Saciid Carab ayaa aad ula
dhacay qaab cayaareedka wiilashan. "Wiilashani waxay tababar soo wadeen muddo 2
sanadood ah oo ay kasoo qeyb qaateen horyaalka dhalinyarada ee sanadkiiba mar
la qabto, waxaana ku kalsoonaa in ay bandhig wanaagsan sameynayaan sidaba
maanta dhacday”ayuu yiri guddoomiyaha xiriirka Soomaaliyeed ee kubada Cagta
Cabdiqani Saciid Carab.
Guddoomiye Carab ayaa hadalkiisa sii raaciyay " Waxaan fursadan uga faa’ideysanayaa in aad amaan usoo jeediyo FIFA oo nagu gacan siisay in aan guushan gaarno, sababtoo ah Soomaaliya heerkan waxay kusoo gaartay garab istaaga FIFA oo maalgelisay horyaalka kubada cagta ee dhalinyarada iyo barnaamijyada kale ee xaga horumarinta ah ee dalka ka socda”.
"FIFA waxay maalgelisay horyaalka dhalinyarada oo aan
markii ugu horesay bilownay 2016-kii kaasoo lagu bilaabay 12 kooxood, kaddibna
aan balaarinay oo ka dhignay 14 kooxood. Sanadka dambe waxaa noo qorsheysan in
lasii balaariyo horyaalka dhalinyarada.
Waxaan aad ugu faraxsanahay in horumarka aan sameyneyno uu soo jiitay FIFA
iyadoo wadamada qaar aysan wali helin barnaamijkan Soomaaliyana sanadkii
sadexaad oo xiriir ah lagu abaal mariyay”ayuu yiri guddoomiyaha xiriirka
Soomaaliyeed ee kubada Cagta Cabdiqani Saciid Carab.
Dhanka kale guddoomiyaha ayaa amaan balaaran usoo
jeediyay macalinka qaranka Salaad Faarax Xasan iyo wiilashiisa yar yar sida
wanaagsan oo ay qaranka Soomaaliyeed ugu mataleen cayaarahan heerka caalami ah.
Somali
Football Federation Media Department
Email:info@somsoccer.com